「頭先個燒味佬幾衰呀，咁我去買盒雞飯啦，用消費券嘛，個燒味佬話我冇拍卡，冇底單出，係都要我拍多次，咁我又拍啦，又係冇底單出，咁我梗係嘈佢，叫佢畀番錢我，佢唔肯喎。咁後面個師奶好心話佢都係買一盒飯，可以畀返錢我，個燒味佬話唔得，話咁樣等如套現，跟住叫我買多盒叉燒當無數，幾鬼蠱惑啊！夾硬畀盒叉燒我，嬲到我！而家度度都係陷阱，街市又呃，藥房又呃！」
「等我幫你聲討佢。」
「以後都唔幫襯佢！」
贏咗盒叉燒，輸咗盤生意，值得咩？
莊子：「有機械者必有機事，有機事者必有機心。」
一筆消費券，一部八達通機，就引出了人的機心。
由老莊到海德格，都把機/技（Mechanical）視為一種道害。
作者